பகவத் கீதை ஏன் படிக்க வேண்டும்

Grandfather reading Bhagavad Gita to childbhagavad geetha

நீதி – உண்மை/வாய்மை

உபநீதி – மனநிலை மாற்றம்

ஒரு விவசாயி மலைப் பிரதேசத்தில் தன் பேரனுடன் வாழ்ந்து வந்தார். இந்த முதியவர், தினமும் அதிகாலையில் சமையலறை மேஜை அருகே உட்கார்ந்து கொண்டு, பகவத் கீதை படித்து வந்தார். பேரனும் தாத்தா செய்யும் செயல்களைப் பின்பற்ற வேண்டும் என்று உறுதியாக இருந்தான்; முடிந்த வரை முயற்சி செய்ய ஆரம்பித்தான்.

ஒரு நாள் பேரன் தாத்தாவிடம், “நான் தங்களைப் போல் பகவத் கீதை படிக்க முயற்சி செய்கிறேன்; ஆனால் எனக்கு ஒன்றுமே புரியவில்லை. சிறிதளவு புரிந்தாலும் புத்தகத்தை மூடி வைத்தால் மறந்து விடுகிறது. பகவத் கீதை படிப்பதால் என்ன பயன்?” எனக் கேட்டான்.

தாத்தா கரி அடுப்பை மூட்டிக் கொண்டிருந்தார். அதை நிறுத்தி விட்டு பேரனிடம் ஒரு கூடையைக் கொடுத்து, பக்கத்தில் இருக்கும் நதியிலிருந்து தண்ணீர் நிரப்பிக் கொண்டு வருமாறு கேட்டார். சிறுவன் உடனடியாக கூடையை எடுத்துக் கொண்டு ஓடினான். ஆனால் அவன் வருவதற்கு முன்பே தண்ணீர் ஒழுகி வெளியே கொட்டி விட்டது.

தாத்தா சிரித்துக் கொண்டே அடுத்த முறை சற்று வேகமாக வரும்படி பேரனிடம் கூறினார். சிறுவனும் அவர் சொன்னபடி செய்தான். ஆனாலும் தண்ணீர் கூடையில் நிற்கவில்லை.

சற்று சலிப்பு அடைந்த சிறுவன், கூடைக்குப் பதிலாக ஒரு வாளியை எடுத்து வரச் சென்றான்.

உடனடியாக தாத்தா சிறுவனிடம், “எனக்கு வாளியில் தண்ணீர் வேண்டாம்; கூடையில் தான் வேண்டும். மேலும் சற்று முயற்சி செய்தால் வெற்றி கிடைக்கும்” எனக் கூறினார். சிறுவன் மறுபடியும் முயற்சி செய்தான்.

இக்கட்டத்தில், இந்தக் காரியம் நடக்காது என சிறுவன் புரிந்து கொண்டான். எவ்வளவு நீர் நிரப்பினாலும் கூடையில் தங்காது என்று புரிந்து கொண்டு, தாத்தாவிடம் எடுத்துரைத்தான்.

அதற்கு தாத்தா, “நன்றாக கூடையை பார்” என்று சிறுவனிடம் கூறினார். அதன் தோற்றம் மாறியிருப்பதை சிறுவன் கண்டான்; அழுக்கடைந்த கூடை இப்போது சுத்தமாக இருப்பதைப் பார்த்து மகிழ்ச்சி அடைந்தான்.

தாத்தா பேரனிடம், “பகவத் கீதை படிப்பதால் இது போன்ற மாற்றம் ஏற்படும். புரியாவிட்டாலும், ஞாபகம் வைத்துக் கொள்ள முடியாவிட்டாலும் கூட, மனிதன் உள்ளும் புறமும் மாற்றம் அடைவான். இதுதான் ஸ்ரீ கிருஷ்ணர் நமக்காகக் கூறியது” எனச் சொன்னார்.

நீதி:

எல்லோரும் படிக்க வேண்டிய ஒரு முக்கியமான புத்தகம் பகவத் கீதை. சமூகத்தில் நாம் எவ்வாறு வாழ வேண்டும் என புரிந்துக் கொள்வதுடன், பகவத் கீதை நமக்கு ஆன்மீக சக்தியையும் புரிய வைத்து நம்மை மேன்மைப் படுத்துகின்றது. கீதையில் கூறியுள்ளதை வாழ்க்கையில் கடைப்பிடித்தால், நம் வாழ்வுடன் உலகத்தில் வாழும் அனைத்து மக்களின் வாழ்வும் சிறப்படையும்.

பகவத் கீதையிலுள்ள உள்ளார்ந்த போதனைகளின் சக்தி வெளிப்படுத்தப் படுகிறது; உலகளாவிய தத்துவங்கள் வெவ்வேறு விதத்தில் கூறப் பட்டுள்ளது. சமூகத்தில் நாம் எவ்வாறு வாழ வேண்டும் எனப் புரிந்துக் கொள்வதுடன் ஆன்மீக சக்தியையும் புரிய வைத்து நம்மை மேன்மைப் படுத்துகின்றது. கீதையில் கூறியுள்ளதை வாழ்க்கையில் கடைப்பிடித்தால், நம் வாழ்வுடன் உலகத்தில் வாழும் அனைத்து மக்களின் வாழ்வும் சிறப்படையும். சிறு வயதிலிருந்தே நற்பண்புகளை வளர்த்துக் கொண்டால், அவை மனதில் நிறுத்திக் கொண்டு அச்சமயத்திலிருந்தே நற்பண்புகள் சார்ந்த வாழ்க்கையை கடைப்பிடிக்கின்றனர். ஒவ்வொரு குழந்தைக்கும் முதலில் தன் மேல் நம்பிக்கையை வைத்துக் கொண்டு, பிறகு கடவுளையும் நம்ப கற்றுக் கொடுக்க வேண்டும். இவ்வகையில் அவர்களை வளர்த்தால், வாழ்க்கையின் சவால்களை மன உறுதி மற்றும் நம்பிக்கையுடன் எதிர் கொள்வார்கள்.

மொழி பெயர்ப்பு:

சரஸ்வதி, ரஞ்சனி

Sourcehttp://media.radiosai.org/journals/Vol_05/01AUG07/12-Gita.htm

Advertisements

2 thoughts on “பகவத் கீதை ஏன் படிக்க வேண்டும்

  1. பகவத்கீதை இந்துக்களின் புனித நூல் இதை படித்தால் உண்மையானவனாக இருக்கலாம்

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s