Archive | February 2016

ஒரு கெட்ட பழக்கத்தை கைவிடுவதால் வரும் மாற்றம்

transformation by changing ones bad habits picture 1

நீதி – உண்மை

உபநீதி – வாய்மை / நேர்மை

ஒரு நாள், ஒரு மனிதன் முஹம்மது நபி நாயகரிடம், “அல்லாவே! எனக்கு பல கெட்ட பழக்கங்கள் இருக்கின்றன. அவற்றில் எதை முதலில் விட வேண்டும்?” எனக் கேட்டான். அதற்கு நபி நாயகம், “பொய் சொல்லும் பழக்கத்தை விட்டுவிட்டு எப்பொழுதும் உண்மையையே பேசு” என பதிலுரைத்தார். அவ்வாறே செய்வதாக வாக்களித்துவிட்டு அம்மனிதன் வீடு சென்றான்.

transformation by changing ones bad habits picture 2இரவு அம்மனிதன் திருடக் கிளம்பினான். கிளம்புவதற்கு முன் தான் நபி நாயகருக்கு அளித்த வாக்கு நினைவுக்கு வந்தது. “மீண்டும் அவரை பார்க்கும் போது, நான் எங்கே இருந்தேன் என அவர் கேட்டால், என்ன பதில் கூறுவது?” என எண்ணினான். “நான் திருடச் சென்றேன் என்று எப்படிக்  கூறுவது? இல்லை; அவ்வாறு என்னால் கூற முடியாது, ஆனால், பொய்யும் சொல்லக் கூடாது. உண்மையைச் சொன்னால் எல்லோரும் என்னை வெறுத்து திருடன் என அழைப்பார்கள். பிறகு திருடியதற்கும் தண்டனை கிடைக்கும்” என நினைத்தான்.

மறு நாள், அம்மனிதன் மதுபானம் அருந்த கிளம்பும் transformation by changing ones bad habits picture 3போது, மனதில் எண்ணங்கள் அலை பாய்ந்தன – என் மத குரு, என்ன செய்தாய் எனக் கேட்டால் பொய் சொல்ல முடியாது. உண்மையைக் கூறினால் மக்கள் என்னை வெறுப்பார்கள். காரணம் ஒரு முஹம்மதியற்கு மதுபானம் செய்யும் உரிமை கிடையாது, ஆதலால் குடிப் பழக்கத்தையும் நிறுத்தி விட்டான்.

இவ்வாறாக எந்த தவறு செய்ய அம்மனிதன் நினைத்தாலும் உண்மை பேசுவதாக கொடுத்த வாக்கு நினைவில் வந்து, ஒவ்வொன்றாக எல்லா கெட்ட பழக்கங்களையும் விட்டுவிட்டு உண்மையான முஹம்மதியனாக மாறினான்.

நீதி

எப்பொழுதும் உண்மையையே பேச வேண்டும். ஒரு தீய பழக்கம் மற்ற தீய பழக்கங்களுக்கு வழி வகுக்கும். ஒரு கெட்ட பழக்கத்தை கட்டுப்படுத்தினால், மற்ற கெட்ட பழக்கங்களையும் கட்டுப் படுத்த உதவி செய்து, நம்முள் ஒரு மாற்றத்தை உண்டாக்கும்.

சத்தியமேவ  ஜெயதே

மொழி பெயர்ப்பு:

சரஸ்வதி, ரஞ்சனி

Source: http://saibalsanskaar.wordpress.com

Advertisements

ஆராய்ந்து தேர்ந்தெடுத்த செயல்

Socrates, AC Grayling

நீதி – வாய்மை                        

உபநீதி – நேர்மை,  சரியான செயல்

கிரேக்க நாட்டின் சாக்ரடீஸ் சிறந்த அறிவாளி. அவருக்கு தெரிந்த ஒரு மனிதர்,  ஒரு நாள் இந்த வேதாந்தியிடம் வந்து, “உங்கள் நண்பரைப் பற்றி நான் கேள்விப் பட்டது உண்மையா?” எனக் கேட்டார். “ஒரு நிமிடம்” எனக் கூறிய அவர், என்னிடம் எதுவும் கூறும் முன் தாங்கள்  என்னுடைய ஒரு சிறு தேர்வில் வெல்ல வேண்டும். அத்தேர்வின் பெயர் “மும்முறை ஆராய்ந்து சொல்லும் வாக்கு” என்று கூறினார். வந்தவர் இந்த தேர்வைப் பற்றி கேட்டதும் சற்று ஆச்சரியப் பட்டார். பிறகு சாக்ரடீஸ் தொடர்ந்து “என் நண்பனைப் பற்றி என்னிடம் கூறும் முன், ஒரு கணம் சிந்தித்து, பிறகு கூறவும். ஆதலால் தான் இத்தேர்வின் பெயர் மும்முறை ஆராய்ந்து சொல்லும் வாக்கு” என்றார்.

முதல் ஆராய்ச்சி உண்மை. என்னிடம் கூற வந்த செய்தி முற்றிலும் உண்மையா? “இல்லை, நான் கேள்விப் பட்டது தான்” என்று அம்மனிதர் பதிலுரைத்தார். போகட்டும். உண்மையா இல்லையா என்பதை தாங்கள் அறியவில்லை. இரண்டாவதாக, நீங்கள் என் நண்பனின் நற்குணங்கள் எதையாவது கூற வந்தீர்களா? எனக் கேட்டார். அதற்கும் அம்மனிதர் தயங்கினார். உடனே சாக்ரடீஸ் நீங்கள் என் நண்பனைப் பற்றி கூற விரும்பும் விஷயம் நல்லதும் இல்லை, உண்மையும் இல்லை. மற்றுமொரு தேர்வு உள்ளது. என் நண்பனை பற்றி கூறும் விஷயத்தால் எனக்கு ஏதேனும் உபயோகம் உண்டா? எனக் கேட்டார். எதுவும் இல்லை என அம் மனிதர் கூறியதும், சாக்ரடீஸ் அவரிடம் “நீங்கள் என்னிடம் கூற வந்தது உண்மையும் அல்ல, நல்லதும் அல்ல, அதனால் உபயோகமும் இல்லை என்னும் போது அவ்விஷயத்தை என்னிடம் கூற வேண்டிய அவசியமே இல்லை” என சொல்லி முடித்தார் .

இதனால் தான் சாக்ரடீஸ் பெரிய வேதாந்தியாகக் கருதப்படுகிறார்.

நீதி

நாம் எப்பொழுதும் உண்மையே பேச வேண்டும். அவசியம் இருந்தால் மட்டுமே பேச வேண்டும். வதந்திகளைப் பரப்புவதால் நேரம், சக்தி இரண்டும் வீண் போகும். சமயத்தை நல்ல விதமாக நல்ல காரியங்களைச் செய்வதில் செலுத்த வேண்டும்.

மொழி பெயர்ப்பு:

சரஸ்வதி, ரஞ்சனி

Source: http://saibalsanskaar.wordpress.com

 

ரத சப்தமி

Ratha sapthami picture 1

சூரியனைக் கொண்டாடுகிற விரதங்களில் ரத சப்தமி என்றும் சூரிய ஜயந்தி என்றும் போற்றப்படுகிற இந்த விரதம் ரொம்பவே முக்கியத்துவம் வாய்ந்தது. ‘சப்த’ என்றால் ஏழு என்று அர்த்தம். அமாவாசை அல்லது பௌர்ணமியை அடுத்து உள்ள ஏழாம் நாள்… சப்தமி எனப்படுகிறது.

தை மாதத்தை உத்திராயன புண்ய காலத் துவக்கம் என்பார்கள். தை மாத வளர்பிறையைத் தொடர்ந்து வரும் ஏழாம் நாளான சப்தமி திதி நாளில், சூரிய பகவானுக்கு விசேஷமானதொரு ஒளி உண்டானதாகச் சொல்கிறது புராணம்! எனவே இந்த நாள் ரத சப்தமி என்று போற்றப்படுகிறது.

சிறப்பும் மகிமை மிக்கதுமான ரத சப்தமி நாளில், சூரியனைப் போற்றுவதும் வணங்குவதும் வாழ்க்கைக்கு வளம் சேர்க்கும். சூர்யோதயத்தில் எழுந்து, ஆறு அல்லது ஏரி அல்லது குளத்தில் நீராடுவது மிகுந்த பலனைத் தரும்.

அப்படி நீராடுகிற போது, ஏழு எருக்கம் இலைகளையும் மஞ்சள் கலந்த அட்சதையையும் சிரசில் வைத்துக் கொண்டு, சூரியனாரைப் பிரார்த்தித்தபடி நீராடினால், சகல தோஷங்களும் எதிர்ப்புகளும் விலகும் என்கிறது சாஸ்திரம்!

குறிப்பாக, கால்களில் இரண்டு, கண்களில் இரண்டு, தோள் பட்டைகளில் இரண்டு, தலையில் ஒன்று என எருக்கம் இலைகளை வைத்து, தண்ணீர் விட்டுக் கொள்ளவேண்டும். பெண்கள், சிரசில் எருக்கம் இலையுடன் மஞ்சள் கலந்த அட்சதையையும் ஆண்கள் அட்சதையை மட்டும் வைத்துக் கொள்ள வேண்டும். இப்படியான முறையுடன் நீராடி, சூரிய வழிபாடு செய்தால், சகல ஐஸ்வரியங்களும் கிடைக்கும். வீட்டில் உள்ள தரித்திர நிலை மாறும். தேக ஆரோக்கியம் கூடும் என்பது ஐதீகம்!

கணவனை இழந்த பெண்கள், தந்தையை இழந்த ஆண்கள், ஏழு எருக்கம் இலைகளுடன், பச்சரிசி, கருப்பு எள்  ஆகியவற்றை தலையில் வைத்து நீராட வேண்டும் என்கிறார்கள் ஆச்சார்யர்கள்! கணவனை இளம் வயதிலேயே பறிகொடுத்தவர்கள், இந்த வழிபாட்டைச் செய்வதால், அடுத்த பிறவியில் இந்தத் துன்பத்துக்கு ஆளாக மாட்டார்கள்.

உன் பொன்னான நேரத்திற்கு என் மனமார்ந்த நன்றி

நீதி – நன் நடத்தை / அன்பு 

உபநீதி – தக்க சமயத்தில் உதவி / அக்கறை 

சித்தார்த் அந்த வயதானவரைப் பார்த்து பல வருடங்கள் கழிந்தன. படிப்பு, பெண்கள், thanks for your time  picture 1உத்தியோகம், வாழ்க்கை என்று பலப்பல சிந்தனைகள்; இன்னும் சொல்லப் போனால், கனவுகளை நினைவாக்க வெளி நாட்டுக்கே சென்று விட்டான். கடந்த காலத்தை மறந்து, எதிர்க்காலத்தைப் பற்றி மட்டுமே ஒருமுகச் சிந்தனையோடு செயல்பட்டான். மனைவி, மகன் எல்லாமே லட்சியங்களுக்குப் பிறகு தான். வேலை, வேலை, வேலை!!!

ஒரு நாள் காலை, அவன் தாயார் தொலைபேசியில் அழைத்தார். குரலில் பதட்டம் தெரிந்தது. “நேற்று இரவு பக்கத்து வீட்டில் வசிக்கும் வயதானவர் இறந்து விட்டார். சடங்குகள் புதன் கிழமை நடக்க இருக்கிறது. அதனால் கட்டாயமாக வர வேண்டும்” என்று கூறினார்.

அவனுக்கு பழைய நினைவுகள், சிறு வயதில் நடந்த சம்பவங்கள் அனைத்துமே ஒரு சினிமா காட்சி போல நினைவுக்கு வந்தன. அந்த வயதானவரின் பெயர் கல்யாணராமன்.

நான் சொன்னது காதில் விழுந்ததா? என சத்தமாக தாயார் கேட்டார். உடனடியாக சித்தார்த், “ஆம், அவரை நினைத்துப் பாரத்துப் பல வருடங்கள் ஆகின்றன. உண்மையைச் சொல்லப் போனால், அவர் முன்பே இறந்து விட்டார் என்று நினைத்தேன்” என பதிலளித்தான்.

தாயார், “அவர் உன்னை மறக்கவில்லை சித்தார்த். எப்பொழுதும் உன்னைப் பற்றிப் பேசிக் கொண்டிருப்பார். நம் வீட்டு வேலியைத் தாண்டி, அவர் வீட்டுக்குச் சென்ற நாட்கள்!! ஆசையாகப் பல மணி நேரம் பேசிய எல்லா சம்பவங்களைப் பற்றியும் நினைவில் வைத்திருந்தார்” என்றார்.

“அவர் இருந்த வீடு எனக்கு மிகவும் பிடிக்குமே” என்று சித்தார்த் சொன்னான்.

அதற்கு அவன் தாயார், “உன் தந்தை இறந்த போது, அந்த வருத்தமும், பாதிப்பும் தெரியாமலிருக்க உன் மேல் அன்பைப் பொழிந்தார்” என்று கூறினார்.

“எனக்குத் தச்சுக்கலை கற்றுக் கொடுத்தார். இன்று நான் செய்யும் தொழிலின் வெற்றிக்குக் காரணமே அவர் தான். நான் கட்டாயமாக வருகிறேன்” என்று சித்தார்த் வேதனையுடன் பேசினான்.

அடுத்த நாள் காலை, ஊருக்குச் சென்றான். வயதானவருக்கு குழந்தைகள், சொந்த பந்தங்கள் என்று சொல்லிக் கொள்வதற்கு யாருமே இல்லை. சடங்குகள் எல்லாம் முடிந்தன.

கடைசி முறையாக சித்தார்த்தும் அவன் தாயாரும் வயதானவரின் வீட்டிற்குச்thanks for your time  picture 2 சென்றார்கள். பழைய ஞாபகங்கள் வந்தன. அதே மேஜை, அதே நாற்காலி. இன்னும் பலப்பல நினைவுகள்!!!

திடீரென சித்தார்த், “அம்மா, அந்தப் பெட்டியைக் காணவில்லை” என்றான்.

எந்தப் பெட்டி? என்று தாயார் கேட்டாள்.

“அவரின் மேஜை மேல் ஒரு தங்கப் பெட்டி வைத்திருந்தார். நான் அவரைப் பல முறை அந்த பெட்டியில் என்ன வைத்திருக்கிறார் எனக் கேட்டிருக்கிறேன். அவர் அதற்கு பதில் சொன்னதில்லை.

thanks for your help picture 4மற்றவை எல்லாமே தன் இடத்தில் இருந்தன. அந்தப் பெட்டியை மட்டும் காணவில்லை. அவருக்குத் தெரிந்த குடும்பத்தினர் யாரேனும் எடுத்திருப்பார்கள் போலிருக்கிறது எனச் சொல்லி, சில மணி நேரமாவது தூங்காவிட்டால் அடுத்த நாள் காலை ஊருக்குப் பயணம் செல்வது கடினமாக இருக்கும்” என  சித்தார்த் கூறினான்.

ஆனால், அந்த விலை மதிப்புள்ள பொருள் என்னவென்று தெரியவில்லையே என வருத்தப்பட்டான்.

சித்தார்த் ஊருக்கு வந்து சேர்ந்தான். தபால் பெட்டியில் ஒரு தாள் இருந்தது. அதில், “வீட்டில் யாரும் இல்லாததால், தபாலில் வந்த ஒரு பெட்டி, தபால் நிலையத்தில் இருக்கின்றது. மூன்று நாட்களுக்குள் தபால் நிலையத்திற்கு வந்து கையொப்பமிட்டு எடுத்துச் செல்லவும்” என எழுதியிருந்தது. பெருமூச்சு விட்டான் சித்தார்த்; யாராகthanks for your time  picture 3 இருக்கும் எனச் சிந்தித்துப் பார்த்தான்.

அடுத்த நாள், தபால் நிலையத்திற்குச் சென்ற பொழுது, பெட்டியின் மேல் இருந்த கையொப்பத்தைப் பார்த்தான். கல்யாணராமன் என்றிருந்தது. உடனே, பல வருடங்களுக்கு முன் அவன் வயதானவரைக் கேட்ட கேள்வி ஞாபகத்திற்கு வந்தது. ஆர்வத்துடன் பெட்டியைத் திறந்தான். ஒரு சிறிய தங்க கடிகாரம் மற்றும் ஒரு கடிதம் இருந்தது. அதில் இருந்த வார்த்தைகள்….

அன்புள்ள சித்தார்த், “உன் பொன்னான நேரத்திற்கு என் மனமார்ந்த நன்றி” இப்படிக்கு கல்யாணராமன்.

அவருடன் கழித்த அந்த நேரம் தான் அவருக்கு விலை மதிப்பற்ற ஒரு பரிசாக இருந்திருக்கிறது. ஒரு பக்கத்தில் பேரின்பம்; மற்றொரு பக்கத்தில் வருத்தம்.

கடிகாரத்தை ஒரு நிமிடம் பார்த்தான். பிறகு, அலுவலகத்திற்கு டெலிபோன் செய்தான். அங்கு வேலை பார்க்கும் செயலாளர் என்னவென்று விசாரித்தார். “நான் இரண்டு நாட்கள் வேலைக்கு வர மாட்டேன். என் மகனுடன் நேரத்தைக் கழிக்க வேண்டும்” எனக் கூறி, “உங்கள் நேரத்திற்கு என் மனமார்ந்த நன்றி” என செயலாளரிடம் கூறினான்.

நீதி

நேரம் தான் விலைமதிப்பற்ற பரிசு. நீங்கள் அதிக பணம் சம்பாதிக்க முடியும் ஆனால் மற்றவர்களுக்கு உங்கள் நேரத்தைக் கொடுக்கும் பொழுது அதைவிட ஒரு சிறந்த பரிசு வேறொன்றும் இருக்க முடியாது. அன்பும், பரிவும், நேரமும் மிக முக்கியப்  பண்புகள். வயதானவர்களை மதித்து, அவர்களுக்கு வேண்டிய அந்த சில நிமிடங்களை கொடுத்தால், அவர்களுக்குப் பேரின்பம். நம் வாழ்க்கையும் நன்றாக இருக்கும் என்பதை குழந்தைகளுக்கு நாம் செய்யும் செயல்களின் மூலம் தான் கற்றுக் கொடுக்க முடியும். பேச்சு வார்த்தைகளையை விட செயல்கள் தான் முக்கியம்.

மொழி பெயர்ப்பு:

சரஸ்வதி, ரஞ்சனி

Source: http://saibalsanskaar.wordpress.com

மரக் கிண்ணங்கள்

நீதி – நன் நடத்தை

உபநீதி – மரியாதை /கடமை உணர்ச்சி 

 

the wooden bowls1ஒரு பலவீனமான, வயதான மனிதர் தன் மகன், மருமகள் மற்றும் பேரனுடன் வசித்து வந்தார். அவரின் கண் பார்வை மங்கலாக இருந்தது. வயதின் காரணமாக தள்ளாடித் தள்ளாடி நடந்தார். ஒவ்வொரு நாளும், இரவில் அவர்கள் ஒன்றாகத் தான் உணவை உட்கொள்வார்கள். வயதானவருக்கு மங்கலான கண் பார்வையினாலும், தள்ளாடும் உடம்பினாலும், உண்ணுவது கூடக் கடினமாக இருந்தது. உண்ணும் போது, கையிலிருந்து பால் கிளாசைத் தவற விட்டு விடுவார்; மேஜை மேல் எல்லாம் சிந்திவிடும். மனதிற்குச் சங்கடமாக இருந்தாலும் அவரால் ஒன்றுமே செய்ய இயலவில்லை.the wooden bowls2

தினமும் நடந்த இந்தக் குளறுபடிக்கு பின், அவரின் மகனும், மருமகளும் கோபமுற்றனர். தனியாக ஒரு மேஜையில் வயதானவருக்கு ஒரு மரக் கிண்ணத்தில் உணவு கொடுக்க ஆரம்பித்தார்கள். தினமும் அவரின் கண்களில் ஒரு சோகம் தெரிந்தது; வேதனையான ஒரு மன அழுத்தம். இந்தச் சிறுவன் எல்லாவற்றையும் பார்த்துக் கொண்டிருந்தான்.

ஒரு நாள், இச்சிறுவன், மரச் சொப்புகளுடன் விளையாடிக் கொண்டிருந்தான். பெற்றோர்கள் அவனிடம் பேசிய பொழுது, அவர்களின்The wooden bowls3 வயதான நாட்களுக்குத் தற்பொழுதே அவன் திட்டம் போட்டுக் கொண்டிருந்ததாக பதிலளித்தான். அச்சமயம் தான், அவர்கள் செய்து கொண்டிருக்கும் அநியாயம் அவர்களுக்கு புரிந்தது. அன்றிரவிலிருந்து, தன் தந்தை எப்படி சாப்பிட்டாலும் பரவாயில்லை என நினைத்து, ஒன்றாக எல்லோரும் உணவை உட்கொள்ள ஆரம்பித்தனர்.

 நீதி:

வினை விதைத்தவன் வினை அறுப்பான் என்ற நீதிமொழி மிகப் பொருத்தமானது. ஒவ்வொருவருக்கும் தார்மீகப் பொறுப்பு இருக்கின்றது. வயதானவர்களை மரியாதையுடன் நடத்துங்கள். குழந்தைகள் நம் செயல்களைப் பார்த்து தான், கற்றுக் கொள்கிறார்கள்.

நல்லது செய்யுங்கள்; நல்லதே வந்து சேரும்.

சரஸ்வதி, ரஞ்சனி

Source: http://saibalsanskaar.wordpress.com