கல் உடைப்பவன்

நீதி – நன் நடத்தை

உபநீதி – தன்னம்பிக்கை,  மனநிறைவு

the stone cutter picture 1ஒரு சிறிய கிராமத்தில் கல் உடைப்பவன் ஒருவன் வசித்து வந்தான். அவன் நாள் தோறும் அயராது உழைத்து கடினமான கற்களை வெட்டி அழகிய சிலைகளாகச் செதுக்கி விற்று வந்தான். இதனால் அவன் கைகள் எப்போதும் கரடு முரடாகவும் துணிகள் அழுக்காகவும் இருந்தன. ஒரு நாள், வழக்கம் போல, ஒரு பாறாங்கல்லைத் தேர்ந்தெடுத்து வேலை செய்ய ஆரம்பித்தான். அன்று வெப்பமான நாள். சில மணி நேரங்கள் கடினமாக உழைத்த பின், அவன் மிகவும் களைத்துப் போய் நிழலில் சற்று நேரம் அமர்ந்து, பின் உறங்கியும் விட்டான். சிறிது நேரத்தில் சில மக்கள் அருகில் வரும் சத்தம் கேட்டு கண் விழித்தான். சிப்பாய்களும், சேவகர்களும் சூழ்ந்தபடி, பல்லக்கில் அந்நாட்டு ராஜா வந்து கொண்டிருப்பது  என்று புலப்பட்டது.

the stone cutter picture 2“நான்கு வாட்டசாட்டமான வாலிபர்கள் சுமந்த படி, பல்லக்கில் சொகுசாக அமர்ந்து கொண்டிருக்கும் இந்த ராஜா எவ்வளவு கொடுத்து வைத்தவர்!!! நானும் கல் உடைப்பவனாக இல்லாமல் ஒரு ராஜாவாக இருந்தால் எவ்வளவு நன்றாக இருக்கும்,” என்று மனதிற்குள் அங்கலாய்த்தான். அவன் அவ்வாறு யோசித்துக் கொண்டிருக்கும் பொழுது ஒரு விசித்திர செயல் நிகழ ஆரம்பித்தது. அந்தக்  கல் உடைப்பவனின் அழுக்கான பழைய உடைகள் மறைந்து அழகிய பட்டு ஆடைகளாக மாறின. விலை உயர்ந்த நகைகள் அவனை அலங்கரித்தன. அவன் கைகள் மிருதுவாகி, அவனும் ஒரு அழகிய பல்லக்கில் அமர்ந்தபடி சென்று கொண்டிருப்பதை உணர்ந்து, வியந்து போனான். “ஆஹா! ஒரு ராஜாவாக இருப்பது எவ்வளவு சுலபமான வேலை; எனக்கு சேவை செய்ய எத்தனை பேர் உள்ளார்கள்” என்று மகிழ்ந்தான். நேரம் செல்லச் செல்ல அதிகமான வெய்யிலால் அவனுக்கு வெப்பம் அதிகரிக்க ஆரம்பித்தது; புழுக்கம் தாளவில்லை. சிறிது நேரம் ஊர்வலத்தை நிறுத்தி, ஓய்வெடுத்துச் சென்றால் நன்றாக இருக்கும் என்று தோன்றியது. ஆனால் படைத்தலைவனோ, “அரசே இன்று மாலை சூரியன் மறைவதற்குள் நாம் கோட்டையை அடையவில்லை என்றால், என் தலையை வெட்டி விடுவதாக நீங்கள் காலையில் தான் சபதம் எடுத்தீர்கள்” என்று கவலையாக கூறினான். கல் உடைப்பவனும் அவன் மேல் பரிதாபம் கொண்டு, ஊர்வலம் தொடர அனுமதித்தான். நேரம் செல்லச் செல்ல வெப்பம் இன்னமும் அதிகமாகி அவன் மிகவும் அவதிப்பட்டான். “ராஜாவாகிய நான் பலசாலி தான். ஆனால் என்னை விட அந்த சூரியன் எவ்வளவு பலசாலி. அந்த சூரியனாக இருந்தால் எவ்வளவு நன்றாக இருக்கும்!” என்று ஒரு யோசனை தோன்றியது. உடனே அவன் சூரியனாக மாறிவிட்டான்.

the stone cuttr picture 3புதிய சூரியனின் சக்தியை அவனால் கட்டுப்படுத்த முடியவில்லை. அவன் அனலாகக் கொதித்து வயல்களை எல்லாம் தன் கதிர்களால் எரித்து, பெருங்கடல்களை எல்லாம் வற்றிப் போகச் செய்து, உலகையே மறைக்கும் ஒரு பெரிய அடர்ந்த மேகமாக மாற்றிவிட்டான். அந்த மேகத்தை தாண்டி அவனால் பார்க்க முடியவில்லை. “இந்த சூரியனை விட மேகங்கள் தான் பலசாலி, நான் மேகமாக இருக்க ஆசைப்படுகிறேன்” என்று எண்ணியவுடன் அவனும் பெரிய கருமேகமாக மாறினான். எங்கும் கடும் மழை பெய்து வயல்கள் எல்லாம் அழிந்து போகச் செய்தான். வீடுகள், மரங்கள் எல்லாம் பெரு வெள்ளத்தில் அடித்துச் செல்லப்பட்டன. ஆனால் ஒரு பெரும் பாறாங்கல் மட்டும் அசையாமல் அப்படியே இருந்தது.

“மேகமான என்னை விட அந்த பாறாங்கல் தான் இன்னும் பலசாலி! அதே சமயத்தில், அந்தக் கல்லையே ஒரு கல் உடைப்பவனால் தான் செதுக்கி மாற்ற முடியும். நான் மறுபடியும் ஒரு கல் உடைப்பவனாக மாறினால், எவ்வளவு நன்றாக இருக்கும்!” என்று எண்ணினான். உடனே முன்பு இருந்தது போலவே அழுக்கான துணிகளுடனும் கரடு முரடான கைகளுடனும் ஒரு கல்லின் மேல் அமர்ந்து இருப்பதை உணர்ந்தான். மிகவும் சந்தோஷமாகத் தனது கருவிகளை எடுத்துக் கொண்டு அக்கல்லில் வேலை செய்யத் தொடங்கினான்.

நீதி

இக்கரைக்கு அக்கரை எப்பவும் பச்சை. நீங்கள் இருக்கும் இடம் தான் சிறந்தது. நீங்கள் எதைச் செய்கிறீர்களோ அதையே சிறப்பாகச் செய்யுங்கள். எல்லாம் நன்மைக்கே.

மொழி பெயர்ப்பு:

சரண்யா, சரஸ்வதி, ரஞ்சனி

Source: http://saibalsanskaar.wordpress.com

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s